Ang kirot at hapdi ay dama mo pa rin,
hindi na mapawi ng gamot na bilin;
iba’t ibang kilos… gusto sanang gawin,
ngunit itong sakit… siyang pumipigil!
Hindi makaupong may ngiti sa labi ,
sa sakit at kirot… laging nangingiwi;
kaylangang tumayo … pumunta sa tabi,
upang may matapos kahit na kaunti!
Sa gabi pagtulog… di rin pinalagpas,
hindi mo na alam… saan ka haharap;
akala mo sana… pahinga na dapat,
bakit itong sakit di pa rin lumipas?
Pag asa’t tiwala… huwag iwawalay,
lahat ng nangyari’y mayroong dahilan;
Huwag iisiping ikaw’s sinasaktan,
Dahil lahat naman… pansamantala lang!
Patuloy magtiwala… at laging isipin,
Mga bagay na ito… lahat lilipas din;
At isang umaga… ikaw’y magigising,
Sakit na nadama… tuluyan ng nagmaliw!
MarlBen
Dubai, UAE
25Mar2021
About the Author
Can you be more specific about the content of your article? After reading it, I still have some doubts. Hope you can help me.